Դդմի օգտակար հատկությունները, ուսումնասիրություն, կերպարներ

Երեխաները սիրում են փորփրել, գտնել, չափել, համտեսել։ Ընկեր Հասմիկի հետ խոսեցին դդումի օգտակար հատկությունների մասին, ուսումնասիրեցին, համտեսեցին և գեղեցիկ կերպարներ պատրաստեցին։

Դդմախաղ, շնչառական խաղ

Շարունակում ենք դդմախաղերը։ Այս անգամ էլ խաղացինք շնչառական խաղ` փոքրիկ գնակները փչում ենք այնպես, որ անցնի երկու դդումի միջով։ Շա՜տ զվարճալի խաղ ստացվեց, երեխաները մեծ դժվարությամբ թողեցին խաղը և գնացին ճաշելու։

Հե՜յ, ջան, ղափամա

Հեյ ջան ղափամա
Հեյ ջան ղափամա,
Համով-հոտով ղափամա
Հեյ ջան ղափամա,
Յուղը մ,եջը ղափամա,
Մեղրը մեջը ղափամա,
Բրինձը մեջը ղափամա,
Չամիչը մեջը ղափամա,
Չիրը մեջը ղափամա…

Երգով, խաղով, ուրախ տրամադրությամբ պատրաստեցինք ամենահամեղ ղափաման։

Դդումով ջեմ

Այս շրջանում մեր բոլոր գործունեությունների առանցքում դդումն է։ Որ անկյունում նայես` դդում է. երեխաները գլորում են, պտտում, փորձում են բարձացնել, տարբեր խաղեր են հորինում, կերպարներ են պատրաստում, ուսումնասիրում են և իհարկե, խոհանոցային գործունեություններ են իրականացնում։ Բարձրացնելու ու գլորելու փորձերից հետո, որոշ դդումներ ճաքեցին ու ջարդվեցին, և մենք որոշեցինք դդումով համեղ ջեմ պատրաստել։

Ձմեռային դդմախաղեր

Դուք կարծո՞ւմ եք, որ դդումը միայն բանջարեղեն է, հարուստ վիտամիններով և միներալներով։ Ո’չ։ Դդումը սեբաստացի 5֊6 տարեկանների ձեռքին դառնում է մարզագույք կամ խաղալիք։ Իսկ լավ խաղից, մարզումներից, գլորիկներից ու պահմտոցիից հետո, դդումները վեր են ածվում թխիկի, ջեմի, ղափամայի։

Դդմախաղեր

Կրթահամալիրում դդմատոն է. դդումով թխիկ, դդումով կոտլետ, դդումով ջեմ, իսկ երեխաների համար` հետաքրքիր ու հավես մարզագույք ու խաղալիք։

Մարզական դդմախաղեր

Օրը՝  23.01.2024
Ժամը՝  11։00
Անցկացման վայրը՝ Քոլեջ
Մասնակիցները՝ Քոլեջի 5 տարեկաններ
Պատասխանատուներ՝ Էլյա Գրիգորյան, Անահիտ Գրիգորյան, , Իրինա Սարգսյան, Սոնա Ավետիսյան

Որտե՞ղ է թաքնվել դդումը

Այս շրջանում դդմախաղերը մեր առօրյայից անբաժան են։ Տարբեր խաղեր, հետաքրքիր իրարանցում, մեկ էլ տեսանք` դդումները թաքնվել են։ Է’լ աջ ու ձախ գնացինք, է’լ առաջ եւ հետ, է’լ պահարանները փորփրեցինք, մինչև գտանք չարաճճի դդումներին։

«Դդմագովք»

Ժամանակահատված՝ 08.01 ֊ 26.01
Ամփոփումը՝ 01.02 (Ղափամայի ծես)
Անցկացման վայրը՝ 5-6 տարեկանների խմբասենյակում, ընտանիքում
Մասնակիցներ՝ Քոլեջի 5-6 տարեկաններ Պատասխանատուներ` Էլյա Գրիգորյան, Սոնա Ավետիսյան

Նպատակն ու խնդիրները՝

• Դդմի մասին տեղեկությունների ձեռքբերում
• Ղափամայի ծեսի նախապատրաստում, մասնակցություն

Ընթացքը՝

• Դդմախաղեր
• Դդումուտոցի
• Դդումով թխիկ
• Դդումով ջեմ
• Ձնաթաթախ դդմագլոր
• Կերպարներ դդումից
• Դդումի կորիզահան
• Դդումի կորիզի ուսումնասիրություն
• Դդմի կորիզ֊խաղ
• Դդումի ուսումնասիրություն
• Մեդիադդումիկներ
• Դդմային պատմություններ
• Ղափամայի օր

Արդյունքները կհրապարակվի մեր դասարանական բլոգում։

• Դդմախաղեր
• Ձմեռային դդմախաղեր
• Շնչառական խաղ
• Որտե՞ղ է թաքնվել դդումը
• Դդումով ջեմ
• Ղափամա
• Դդմի օգտակար հատկությունները
• Կերպարներ դդումից

Դդմատոն (փաթեթ)

• Դդումը նման է…
• Մեծից փոքր, փոքրից մեծ դդումներ
• Դդումը ջեռոցում
• Դդմակերպարներ
• Դդմի ուսումնասիրություն
• Ղափամա
• Մեդիադդումներ