Օրը՝ 25.03.2024
Վայրը՝ Քոլեջ
Մասնակիցներ՝ Քոլեջի 5֊6 տարեկաններ
Պատասխանատուներ՝ Էլյա Գրիգորյան, Սոնա Ավետիսյան
Նպատակը՝ Ծանոթացում զատկական ծիսական խոհանոցին, զատկական ուտեստների պատրաստում-ներկայացում:
Խնդիրները՝
- ներկայացնել ուտեստի պատրաստման համար անհրաժեշտ մթերքները
- ինքնուրույնության, ինքնասպասարկման դրսևորում
- հաշվարկ, չափումներ, համեմատություններ կատարելու կարողությունների դրսևորում
Ընթացքը.
Նախապես ընտրում ենք, թե զատկական որ կերակրատեսակն ենք պատրաստելու, ի՞նչ բաղադրիչներ ենք օգտագործելու, յուրաքանչյուրից որքա՞ն է հարկավոր: Այնուհետև 5֊6 տարեկանները հագնում են իրենց աշխատանքային գոգնոցները, խոհանոց-լաբորատորիան նախապատրաստում են զատկական ուտեստներ պատրաստելու համար և սկսում են գործունեությունը։ Ընթացքում պատմում են, թե ի՞նչ գիտեն Զատիկի տոնի մասին, ի՞նչ ուտեսներ են դրվում զատկական սեղանին և այլն: Պատրաստման ընթացքն ուղեկցվում է զատկական երգերով, զատկական ասիկներով: Տարբեր հարց ու պատասխանի օգնությամբ սովորողը պատմում է, թե որ բաղադրիչից հետո որը պետք է ավելացնի: Ձևավորման ընթացքն ուղեկցվում է բարեմաղթանքներով:
Զատկական կերակուրներ
- Ոսպով թաբուլե. անհրաժեշտ բաղադրիչները՝ խաշած ոսպ, կանաչ սոխ, համեմ, աղացած կարմիր պղպեղ+տոմատի մածուկ, աղ, սև պղպեղ, լիմոնի աղ, ձիթայուղ
Զատկական ասիկներ
- Տի˜զ- տի˜զ, Ակլատիզ,
Մազդ բիզ-բիզ, Ակլատիզ,
Պասը գնաց, Զատիկն եկավ,
Այծն էլ խոտը կերել է: - Զատկեզատի՜կ է, նավակատի˜կ է, չամչե հատի˜կ է:
- Կարմիր ձու տուր, կարմիր օր տամ։
Զատկական երգեր
- Գնացեք, տեսեք
- Զարկ բոլոճիկ
- Կարկաչա
- Օր պար, ճոր պար
- Խնկի ծառը ծաղկել է
Արդյունքները կամփոփվեն դասարանական բլոգում: